Guidxi Guieꞌ nuuni ndaaniꞌ Distritu xtiꞌ Juchitán ni napa biaꞌsi gande ne chupa guidxi roꞌ; Guidxi Guieꞌ nuuni ndaaniꞌ yúbeꞌ xtiꞌ guizii ne riaanani neza gueteꞌ ne neza rindani gubidxa de Guidxi Luláꞌ biaꞌ 268 km. Napani biaꞌ 93,038 binni ni nabeza ndaanini (ni bigabaꞌ INEGI lu iza 2010), Juchitán nacani guionna guidxi jma naroꞌbaꞌ ndaaniꞌ guidxi xtiꞌ Luláꞌ.
Neza guiáꞌ dxaagani Guidxi Guiaatiꞌ, Guidxi Guiichi ne San Miguel Chimalapa; Neza gueteꞌ dxaagani San Mateu, Santa Mariáꞌ, Xadani ne Lagunaroꞌ xtiꞌ Santa Teresa; Neza riaaziꞌ gubidxa dxaagani Guiaatiꞌ, Guidxi Guiichi, Dani guiaa, Diaga Laga ne Guibixu ne neza rindani gubidxa dxaagani Ingeniu, Gubiña ne San Dionisiu.
Location
