Caldu ranchu
Ni racané guendaró
- 1 bere
- 6 bichooxe
- 2 cebolla
- aju
- biá
- Arroz
- zidi
- Cilantru o bitiaa
- nisa
Modo raca guendaródiꞌ
Nirú naquiiñeꞌ guidaa tapa litru nisa ndaaniꞌ ti caserola, ne guiaba ca ndaa bereca ndaanini, ne laaca guiabaca aju, biá ne chupa ndaa zidi, de guiaanani guindaabini. Ne laga cacaani ti xindaabiꞌ, guiruuxe ca bichooxeca ne ca cebollaca, ne ora ma candaabiꞌ bereca ma guiabacani ique bereca, ne guiaanani guindaabini; oracaruꞌ ma guiaꞌriꞌ ne guiruuxe ca cilantruca (ne pa bitiaani la? guiáꞌrisini), ne guiabani ique bereca; oracaruꞌ ma guiaꞌriꞌ caadxi arroz ne laaca guiabani ique bereca, ne guiaanani guindaabini, de ora ma naguudxi bereca ma guieteni. Guidaani ndaani bladu yú, ne zanda góneuni guiiñaꞌ, limun ne zidi.
