Zé beelabihui
Ni racané guendaró
- ½ kg beeladoo bihui o
Dxitabeela (maca biruuxhe)
- ¼ xuba biruba lu dxiá
- bia
- 2 biidxi aju
Maca biruuxe
- 6 bichooxe
- bitiaa
- guiiñaꞌ
- 4 litru nisa
- zidi
Modo raca guendaródiꞌ
Nirú naquiiñeꞌ guidaa chupa litru nisa ndaaniꞌ ti caserola, racá ma guiaba chupa ndaa zidi ne ca belabihuidoo o dxita beelaca, laaca naquiñeꞌ guiába ca biidxiꞌ ajuca ne guiaanani lu guí guindaabini. Guiuutuꞌ ca bichooxeca ne guiiñaꞌca ne ora ma candaabi beelaca ma guidaa biá ne bichooxeca iqueni ne chupa ndaa bitiaa. Oracaruꞌ ma guiuutuca xubaca ne nisa; ne ora ma candaabiꞌ dutuni, ma guidaa nisa xubaca luni ne maca cabiee ti gudxara ndaanini ti que ica xaꞌnani, ne zacá guibieeni gatigá dede gaguini (pa ziyaanani nanana la? guidaa xcaadxi nisa iqueni). Raca ma guidaani ndaaniꞌ ti bladu yú.
