Guiñadoꞌ dxitabeela
Ni racané guendaró
- ½ kg dxitabeela huriadu
(maca biruuxhe)
- ½ cuba
- bia
- 2 biidxiꞌ aju
Maca biruuxe
- 6 bichooxe
- bitiaa
- guiiñaꞌ
- 4 litru nisa
Modo raca guendaródiꞌ
Nirú naquiiñeꞌ guiaꞌriꞌ xendxe beelaca ne raca ma guidaa chupa litru nisa ndaaniꞌ ti caserola, ne guiaba ca ndaa beelaca ndaanini, laaca naquiñeꞌ guiábaca ca biidxiꞌ ajuca ne guiaanani lu guí guindaabini. Guiuutuꞌ ca bichooxeca ne guiiñaꞌca ne ora ma candaabi beelaca ma guidaa biá ne bichooxeca iqueni ne chupa ndaa bitiaa. Ne oracaruꞌ ma guieñe cubaca ndaaniꞌ caadxi nisa, ne oraca ma guibiibini lu ti coladera ndaaniꞌ xti riga, ti guiree ca cubaca ne guiaana nisi nisa cubá; ne ora ma candaabiꞌ ni zuba ludéca, ma guidaa nisa cubaca iqueni ne maca cabiee ti gudxara ndaanini ti que guicá xaꞌnani, ne zacá guibieeni gatigá dede gaguini, (pa ziyaanani nanana la? guidaa xcaadxi nisa iqueni). Raca ma guidaani ndaaniꞌ ti bladu yú.
